Castelo de Pambre (Palas de Rei)

Castelo de Pambre, a photo by amaianos on Flickr.

O Castelo de Pambre é unha das mellores mostras da arquitectura medieval militar que existe en Galicia, e das poucas que quedaron en pé trala revolta irmandiña.
Foi construido a finais do século XIV por don Gonzalo Ozores de Ulloa.

Foi un dos poucos castelos que non foron destruídos polos irmandiños, e salvouse grazas á astucia de Sancho Sánchez de Ulloa que tratou de falar cos sublevados nunha histórica reunión en Melide e que, ante as esixencias de que entregase o castelo e temendo pola súa vida, decide fuxir salvando a vida e o castelo que foi respectado polos irmandiños.

Castelo de San Felipe, Ferrol

Castelo de San Felipe, Ferrol, a photo by amaianos on Flickr.

Construción defensiva de estilo predominantemente neoclásico. En tempos de Felipe II ergueuse un primeiro castelo, que se reformou entre 1731-1775. Constitúe un dos exemplos máis representativos das grandes "baterías-abaluartadas" do século XVIII. Servía para a defensa da ría de Ferrol e os ataques por terra. Dispoñía dun sistema de muros saíntes cubrindo os flancos dos muros laterais. Segue os modelos académicos da súa época, a Ilustración; neste caso a aplicación das matemáticas á arte da guerra. Trazado xeométrico e cantería. Os enxeñeiros militares que o deseñaron foron Francisco Montaigú, Juan de la Ferriére e Juan Vergel. Posúe magníficas vistas sobre toda a ría e o Castelo da Palma. Recentemente adquirido polo Concello de Ferrol, é susceptible de remodelación e rehabilitación para usos culturais.